“დამსახურებულად წავაგეთ“ - ალონსოს მატჩისშემდგომი კომენტარი

ლა ლიგის მორიგ ტურში მადრიდული დერბი გაიმართა. რეალი ატლეტიკოს ესტუმრა და 2:5 დამარცხდა. ჩაბი ალონსოს გუნდი მიმდინარე სეზონში პირველად დამარცხდა.

მატჩის დასრულების შემდეგ, სამეფო კლუბის მთავარმა მწვრთნელმა ჩაბი ალონსომ კომენტარი გააკეთა.

ალონსო:

„ცუდი თამაში იყო. ინდივიდუალურად და გუნდურად კარგები არ ვიყავით. პირველად დავმარცხდით და ეს ჩვენც ისევე გვტკივა, როგორც გულშემატკივრებს. დღეს კარგად არ დავიწყეთ და წავაგეთ, მაგრამ ეს მომავლისთვის კარგი უკუსვლაა. დამსახურებულად დავმარცხდით.

უნდა გავაანალიზოთ, რა მოხდა და სწორი დასკვნები გამოვიტანოთ. ჩვენ ჯერ კიდევ სწავლის პროცესში ვართ. დღეს გუნდმა ვერ იასპარეზა იმ დონეზე, რაც ასეთი ტიპის მატჩისთვის იყო საჭირო. რატომ არ გვქონდა საკმარისი ხარისხი? ჩვენ საკმარისად ვერ ვიბრძოდით ან ვერ ვიბრძოდით იმ დონეზე, რომლისკენაც ჩვენი კონკურენტები ისწრაფოდნენ. ჩვენი დონე უნდა ავამაღლოთ."

შეგახსენებთ, რომ ბარსელონას რეალზე 2 ქულით ნაკლები აქვს და მიმდინარე ტურში გამარჯვების შემთხვევაში ლა ლიგას სწორედ ბლაუგრანა ჩაუდგება სათავეში.