რონალდუს დუბლი და 140 გოლი ნაკრებში | პორტუგალიამ სომხეთი გაანადგურა
სომხეთის ეროვნული ნაკრები ერევანში, „ვაზგენ სარქისიანზე’’ პორტუგალიასთან დიდი ანგარიშით, 0:5 დამარცხდა.
რობერტო მარტინესის გუნდმა პირველ ტაიმში სამი გოლი შეაგდო, სტუმრები მე-10 წუთზე ჟოაუ ფელიქსმა დააწინაურა, 21-ე წუთზე კრიშტიანუ რონალდუმ გაიტანა, 32-ე წუთზე - ჟოაუ კანსელუმ. აღსანიშნავია რომ კანსელუმ გატანილი გოლი ტრაგიკულად გარდაცვლილ დიოგუ ჟოტას მიუძღვნა.
მეორე ტაიმის დასაწყისში, 46-ე წუთზე კრიშტიანუ რონალდუმ დუბლი შეასრულა. მეორე გოლიდან 14 წუთში რონალდუ შეცვალეს.
ერევანში გატანილი 2 გოლით კრიშტიანუ რონალდუმ სანაკრებო კარიერაში გოლების რაოდენობა 140-მდე გაზარდა, ზოგადად კარიერაში მის აქტივში 942 გოლია.
დუბლი ჟოაუ ფელიქსმაც შეასრულა, მან 62-ე წუთზე გაიტანა.
