ესპანეთის დამაჯერებელი სტარტი | ფურია როხამ ბულგარეთს 3:0 მოუგო

მსოფლიო ჩემპიონატის საკვალიფიკაციო ეტაპის პირველ ტურში საქართველო თურქეთთან 2:3 დამარცხდა. ჩვენს ჯგუფში ესპანეთი და ბულგარეთიც არიან და „ფურია როხამ“ სტუმრად გამართული დაპირისპირება დამაჯერებლად მოიგო.

ესპანეთმა ანგარიში მეხუთე წუთზე გახსნა. მარტინ სუბიმენდის გადაცემით მიკელ ოიარსაბალმა ისარგებლა და „ფურია როხა“ დააწინაურა. 30-ე წუთზე მარკ კუკურელიამ საკუთარი გუნდის უპირატესობა ორბურთიანი გახადა, 38-ე წუთზე კი მიკელ მერინომ მატჩის საბოლოო ანგარიში დააფიქსირა - 3:0.

ესპანეთი მომდევნო შეხვედრას ისევ სტუმრად გამართავს. 7 სექტემბერს, თბილისის დროით, 22:45-ზე „ფურია როხა“ თურქეთს დაუპირისპირდება. რაც შეეხება საქართველოს, „ჯვაროსნების“ მომდევნო მეტოქე ბულგარეთია, რომელსაც იმავე დღეს, საკუთარ კედლებში შევხვდებით.