პოკერი შეასრულა | ყაზაიშვილის მაგარი მატჩი ჩინეთის სუპერ ლიგაში
ჩინეთის სუპერ ლიგის 23-ე ტურში „შანდოგ ტაიშანმა’’ შინ „ბეიჯინგ გოანი’’ 6:0 გაანადგურა. გამარჯვებულთაგან ვაკო ყაზაიშვილმა პოკერი შეასრულა. ასევე, მის აქტივში 1 საგოლე პასია. მოკლედ, ერთ შეხვედრაში 5 საგოლე მოქმედება ჰქონდა.
23 ტურის შემდეგ ქართველი ფეხბურთელის გუნდი 40 ქულით მე-5 ადგილზეა და საუკეთესო სამეულს 8 ქულით ჩამორჩება.
ჩინეთის სუპერ ლიგის მიმდინარე სეზონში ვაკომ 23 მატჩში 19 გოლი გაიტანა და 5 საგოლე პასი შეასრულა. ბომბარდირთა დავაში გალიდერდა, კონკურენტ ფაბიო აბრეუს 2 გოლით გაასწრო.
საქართველოს ეროვნული ნაკრების ყოფილი ფეხბურთელი ჩინეთში მეორე სეზონს ატარებს, საერთო ჯამში ყველა ტურნირის გათვალისწინებით „შანდოგ ტაიშანში’’ 70 მატჩი ჩაატარა, 32 გოლი გაიტანა და 18 საგოლე პასი შეასრულა.
