RFS-მ ბოლო მომენტში უარი თქვა - ოდიშარიას ესპანეთში ტრანსფერი ჩაიშალა

ლატვიური RFS-ს ქართველი ლეგიონერი ლაშა ოდიშარიას ხიხონის „სპორტინგში“ მოსალოდნელი ტრანსფერი ჩაიშალა.

ესპანური  elcomercio-ს ცნობით, ხიხონელებმა მაქსიმალურად მოინდომეს და ბოლომდე ცდილობდნენ ოდიშარიას გაფორმებას, ყველაფერი შეთანხმებისკენ მიდიოდა, თუმცა ბოლო მომენტში ლატვიელებმა ტრანსფერი ჩაშალეს.

ლა ლიგა 2-ის კლუბს RFS-ს მიერ მოთხოვნილი თანხა ზედმეტად დიდი მოეჩვენათ. მიუხედავად იმისა, რომ ფეხბურთელს წასვლის დიდი სურვილი ჰქონდა, ლატვიელებმა მაქსიმალურად სცადეს და მოლაპარაკებები ჩაშალეს.

2024-2025 წლების სეზონში ოდიშარიამ RFS-ის რიგებში ყველა ტურნირის ჩათვლით 33 მატჩში 2 გოლი გაიტანა და 6 საგოლე პასი შეასრულა. აქვე გეტყვით, რომ ხიხონის „სპორტინგი'' ლა ლიგა 2-ში თამაშობს, გასულ სეზონში მე-11 ადგილი დაიკავა.

2025/26 წლების სეზონი კი დამაჯერებლად დაიწყო და საწყისი ორი ტურიდან ორივეს მოგება შეძლო.