92-ე წუთზე გამარჯვების გოლი გაიტანა | ტაბატაძის ბრწყინვალე დებიუტი ესპანეთში

ესპანეთის ლა ლიგა 2-ის მესამე ტურში „კადისმა’’ შინ „ალბასეტე’’ 2:1 დაამარცხა. გამარჯვების გოლი მეორე ტაიმის მეორე დამატებულ წუთზე იური ტაბატაძემ გაიტანა. აღსანიშნავია რომ ქართველი შემტევისთვის აღნიშნული მატჩი მის ესპანურ კარიერაში სადებიუტო იყო, 86-ე წუთზე ცვლილებაზე გამოვიდა და ექვს წუთში სამი ქულის მომტანი გოლი შეაგდო.

შეგახსენებთ, იური „იბერია 1999“-ის აკადემიის აღზრდილია და თითქმის მთელი კარიერა ამ კლუბში გაატარა, ცოტა ხნით სლოვაკურ „ვიონში“ თამაშობდა. კრისტალბეთ ეროვნული ლიგის 2025 წლის სეზონში ტაბატაძემ „იბერიას“ მაისურით 20 მატჩი ჩაატარა, 11 გოლი გაიტანა და 4 საგოლე გადაცემა შეასრულა.

აგვისტოში ტაბატაძე „იბერიადან'' „კადისში'' გადავიდა, ესპანურ კლუბთან სამწლიანი კონტრაქტი გააფორმა.

„ბედნიერი ვარ, რომ ამ კლუბის ნაწილი გავხდი. მოუთმენლად ველოდები, როდის დავიწყებ თამაშს და დავეხმარები გუნდს, აქ სწორედ ამ სურვილით მოვედი. თავს სწრაფ და ძლიერ მოთამაშედ მივიჩნევ. ძალიან თბილად მიმიღეს და ადაპტაციამაც კარგად ჩაიარა“ - აღნიშნა ტაბატაძემ „კადისში'' წარდგენისას.