პსჟ-მ საფონოვს შეატყობინა, რომ ის მთავარი მეკარე არ იქნება
„პარი სენ-ჟერმენი“ მატვეი საფონოვს მთავარ მეკარედ არ განიხილავს. ამის შესახებ რუსული მედია წყაროზე დაყრდნობით წერს.
გავრცელებული ინფორმაციით, პარიზულმა კლუბმა რუს გოლკიპერს შეატყობინა, რომ მუდმივი სათამაშო პრაქტიკა სურს, წასვლაზე უნდა იფიქროს. განიხილება როგორც 1-წლიანი იჯარა, ისე ტრანსფერი, მათ შორის ლიგა 1-ის კლუბებში.
თუ საფონოვი გუნდში დარჩენას გადაწყვეტს, ის მხოლოდ სათადარიგო მეკარის სტატუსისთვის იბრძოლებს. ამ ეტაპისთვის ფეხბურთელმა მოსაფიქრებლად დრო აიღო.
მანამდე დაიწერა, რომ 25 წლის რუსი მეკარის ტრანსფერით „გალათასარაია“ დაინტერესებული.
შეგახსენებთ, რომ საფონოვი პსჟ-ში 2024 წელს, 20 მილიონი ევროს სანაცვლოდ, „კრასნოდარიდან“ გადავიდა. პარიზელების შემადგენლობაში მატვეიმ სულ 17 მატჩი ჩაატარა და 13 გოლი გაუშვა.
