გოგა ბითაძე
Aa
Aa

გოგა ბითაძისთვის სეზონი დასრულდა | ორლანდო ბოსტონთან განადგურდა

გოგა ბითაძის „ორლანდო მეჯიქისთვის“ NBA-ის მიმდინარე სეზონი დასრულდა. პლეიოფის პირველ რაუნდში, ქართველი კალათბურთელის გუნდის მეტოქე მოქმედი ჩემპიონი, „ბოსტონ სელტიქსი“ გახლდათ და „ორლანდომ“ სერია 1:4 წააგო.

მეხუთე შეხვედრა „ბოსტონის“ საშინაო არენაზე გაიმართა. „მეჯიქმა“ პირველი ტაიმი კარგად ჩაატარა და დიდ შესვენებაზე 2-ქულიანი უპირატესობა ჰქონდა - 49:47. თუმცა, მეორე ნახევარში ყველაფერი რადიკალურად შეიცვალა. „სელტიქსმა“ მესამე პერიოდი 36:13 მოიგო, მეოთხე - 37:27 და საბოლოოდ, 120:89 იმარჯვა.

ბითაძემ პარკეტზე 2 წუთი და 23 წამი გაატარა და შედეგიანი მოქმედება არ ჰქონია. გოგას გუნდში ყველაზე მეტი, 25 ქულა ფრანც ვაგნერმა დააგროვა. პაოლო ბანკერომ 19 ქულა მიითვალა. „ბოსტონის“ რიგებში საუკეთესო ჯეისონ ტეიტუმი იყო - 35 ქულა, 10 პასი, 8 მოხსნა. ჯეილენ ბრაუნმა 23 ქულა გააკეთა.

ამრიგად, „სელტიქსი“ მეორე რაუნდში გავიდა და „ნიუ იორკ ნიქსისა“ და „დეტროიტ პისტონსის“ წყვილის გამარჯვებულს დაუპირისპირდება. „ნიქსი“ 3:1-ს იგებდა და შეეძლო, სერია საკუთარ კედლებში დაეხურა, მაგრამ დამარცხდა და მომდევნო შეხვედრა „პისტონსის“ საშინაო არენაზე გაიმართება.

კომენტარები

    იყავით პირველი, ვინც დაწერს კომენტარს

    მსგავსი სიახლეები

    ცხელი ამბები
    ასევე დაგაინტერესებთ
    „ტიმბერს ნამდვილი ჯოჯოხეთი მოუწყო“ | რას წერს ფრანგული პრესა კვარაცხელიაზე
    „ტიმბერს ნამდვილი ჯოჯოხეთი მოუწყო“ | რას წერს ფრანგული პრესა კვარაცხელიაზე