საოცარი კულმინაცია ბრწყინვალე გოლებით - დინამო 2-მა სიონს 97-ე წუთზე მოუგო

კრისტალბეთ ეროვნული ლიგა 2-ის მე-18 ტურში ძალიან საინტერესო და დრამატული თამაში გაიმართა. თბილისის „დინამოს’’ მეორე გუნდი ბოლნისის „სიონთან’’ 0:1-ს აგებდა, თუმცა მეორე ტაიმი მე-4 და მე-7 წუთებზე გატანილი გოლებით მოიგო. ბოლნისელთაგან დათა სიჭინავამ ჯარიმა გაიტანა, დინამოელთაგან 18 წლის ლუკა ბუბუტეიშვილმა და 19 წლის ნიკოლოზ ყველაშვილმა შეაგდეს. სამივე გოლი შესანიშნავი იყო.

 

თბილისის „დინამო 2’’-ს ვალერი გაგუა წვრთნის, გუნდში ბევრი ნიჭიერი ფეხბურთელია, სხვადასხვა ასაკობრივ ნაკრებებში თამაშობენ. ასევე, ახლახან „დინამო 2’’-ს გიორგი ნიკოლაიშვილი შეუერთდა, „საბურთალოს’’ ყოფილი ფეხბურთელი.

რაც შეეხება ბოლნისის „სიონს’’, გაგა კირკიტაძის გაწვრთნილ გუნდში მეტწილად გამოცდილი ფეხბურთელები არიან: თორნიკე კაპანაძე, დათა სიჭინავა, გიორგი რეხვიაშვილი და სხვები. ასევე, „სიონის’’ კარში 38 წლის კოკა სეფიაშვილი დგას.

მასალაში გამოყენებულია თბილისის „დინამოს'' პრესსამსახურის ფოტო