ბარსას პირველი ტრანსფერი ცნობილია - ჩავიმ მწვანე აუნთო
„ბარსელონა“ 2023/24 წლების სეზონისთვის უკვე ემზადება და სატრანსფერო გეგმებს აწყობს. როგორც ჩანს, კატალონიელთა პირველი შენაძენი საყრდენი ნახევარმცველი იქნება.
ფაბრიციო რომანოს ცნობით, „ბარსამ“ სევილიის „რეალ ბეტისის“ არგენტინელ ნახევარმცველთან გუიდო როდრიგესთან სიტყვიერ შეთანხმებას მიაღწია. ჩავიმ ტრანსფერს მწვანე აუნთო და სეზონის დასრულების შემდეგ ფეხბურთელი „ბლაუგრანას“ შეუერთდება.
საუბარია 2-წლიან ხელშეკრულებაზე, რომელიც უახლოეს კვირებში გაფორმდება. კლუბი ლა ლიგის ფინანსური ფეარ-პლეისგან დასტურს დაელოდება.
???????? Barcelona and Guido Rodriguez have verbal agreement in place since two weeks ago, approved by Xavi.
— Fabrizio Romano (@FabrizioRomano) May 9, 2024
To sign formal contracts, Barça have to wait for Financial Fair Play approval — deal remains imminent, waiting for formal steps.
???????? Two year deal with option until 2027. pic.twitter.com/JEixqXDIVP
30 წლის როდრიგესი 30 ივნისიდან თავისუფალი აგენტი ხდება და „ბარსელონა“ მას უსასყიდლოდ გაიფორმებს. კატალონიელთა ინტერესი განსაკუთრებით ამ გარემოებამ მიიზიდა. არგენტინელი გუნდში ორიოლ რომეუს შეცვლის, რომლის წასვლაც უკვე გადაწყვეტილია.
გვიდო როდრიგესი „ბეტისში“ 2020 წლიდან თამაშობს, კლუბის მაისურით 171 შეხვედრა ჩაატარა, 9 გოლი გაიტანა და 4 საგოლე გადაცემა შეასრულა. მიმდინარე სეზონში მან ლა ლიგასა და ევროპა ლიგაზე 27 მატჩი ჩაატარა, 2 გოლი გაიტანა და 1 საგოლე პასიც მიითვალა.
როდრიგესი არგენტინის ნაკრების წევრიც არის. ბოლო დროს სასტარტოში ადგილი დაკარგა. კოპა ამერიკასა და მსოფლიო ჩემპიონატზე მან თამაში შეძლო და კუთვნილი ოქროს მედლებიც მიიღო.
