დავითაშვილით ორი კლუბი ინტერესდება | ბორდო ზურიკოს პასუხს ელოდება
ქართველმა ფეხბურთელმა, ზურიკო დავითაშვილმა შესაძლოა, „ბორდო“ დატოვოს. ჟირონდელებს ფინანსური პრობლემები აქვთ და რამდენიმე მოთამაშის გასხვისებას აპირებენ და დიდი შანსია, დავითაშვილი მათ შორის იყოს.
„ბორდოსთან“ დაახლოებული გამოცემის, WebGirondins-ის ინფორმაციით, დავითაშვილის გადაბირებით ორი კლუბია დაინტერესებული. WebGirondins-ი მათ ვინაობას არ აკონკრეტებს, მაგრამ წერს, რომ ერთ-ერთი მათგანი ცენტრალური აზიიდანაა. ჟირონდელები ზურიკოს პასუხს ელოდებიან და დავითაშვილმა კლუბის ხელმძღვანელებს საკუთარი პოზიცია დღეს უნდა დაუფიქსიროს.
#Mercato
— WebGirondins (@webgirondins) January 23, 2024
Nous allons assister à ce qui pourrait être le dernier match d'Alberth Elis et de Zuriko Davitashvili ce soir avec les #Girondins de #Bordeaux
???? L'international hondurien devrait s'envoler vers les US pour un transfert qui pourrait avoisiner les 1,6M€.
????…
ავტორიტეტული ფრანგული გამოცემის, L’Equipe-ის ცნობით, „ბორდომ“ მენეჯმენტის კონტროლის ეროვნულ დეპარტამენტს (ორგანიზაცია, რომელიც ფრანგული კლუბების ფინანსური ანგარიშების მონიტორინგს აწარმოებს, DNCG) პირობა მისცა, რომ ზამთრის სატრანსფერო ფანჯრის დახურვამდე, ფეხბურთელთა გასხვისებით 10 მილიონ ევროს მიიღებდა. ჟირონდელებმა სტიან გრეგერსენი უკვე გაყიდეს და როგორც ჩანს, ახლა ზურიკოს ჯერი დადგა.
ცნობისთვის, 22 წლის დავითაშვილმა საფრანგეთის ლიგა 2-ის მიმდინარე სეზონში 21-დან მხოლოდ 1 ტური გამოტოვა, მიზეზი ტრავმა იყო. ზურიკომ 20 მატჩში ითამაშა (16 სასტარტოში) და მის აქტივში გოლი და 3 საგოლე პასია.
