რონალდუს მაგარი პასი და ჰეთ-თრიქი | ალ-ნასრის პირველი გამარჯვება ჩემპიონატში
კრიშტიანუ რონალდუსა და სადიო მანეს „ალ-ნასრიმ“ საუდის არაბეთის ჩემპიონატის მიმდინარე სეზონში პირველი გამარჯვება იზეიმა. „ალ-ნასრიმ“ სტუმრად „ალ-ფატეჰი“ დაამარცხა და მეტოქე 5:0 გაანადგურა.
მატჩის დაწყებამდე, მანე საფეხბურთო სამყაროს ყურადღების ცენტრში მოექცა. მის თანაგუნდელს, ქასემ ლაიამის ჰყავს ტყუპი ძმა ალი, რომელიც „ალ-ფატეჰის“ რიგებში თამაშობს. ტრადიციული ხელის ჩამორთმევის პროცესისას, სადიომ ალის გაოცებულმა შეხედა და თანაგუნდელი ეგონა.
Al Fateh's Qassem Lajami has a twin brother, Ali, who is Sadio Mane's teammate at @AlNassrFC_EN...
— Roshn Saudi League (@SPL_EN) August 25, 2023
Watch his reaction when he shakes hands with his twin! ????#yallaRSL #RoshnSaudiLeague pic.twitter.com/oTsW9ZnPFF
შეხვედრას რაც შეეხება, ანგარიში მანემ გახსნა, რომელმაც რონალდუს ქუსლით გაკეთებული მაგარი გადაცემით ისარგებლა. კრიშტიანუმ მალევე თავადაც გაიტანა და 38-ე წუთზე, ანგარიში 2:0 გახადა. პირველ ტაიმში ტაბლოზე არაფერი შეცვლილა და „ალ-ნასრის“ შესვენებაზე 2-ბურთიანი უპირატესობა ჰქონდა.
Cristiano Ronaldo’s assist to Sadio Mane was special ???????? pic.twitter.com/3H90RAQSr1
— CentreGoals. (@centregoals) August 25, 2023
55-ე წუთზე, რონალდუმ დუბლი გაიფორმა, 81-ზე კი იგივე მანემ გააკეთა. შეხვედრაში საბოლოო ანგარიში კრიშტიანუმ დააფიქსირა, რომელმაც მე-6 კომპენსირებულ წუთზე, ჰეთ-თრიკი მიითვალა. წლეულს, პორტუგალიელმა სამი გოლი ერთ მატჩში მესამედ გაიტანა. 1 კალენდარულ წელში, რონალდუს 3 ჰეთ-თრიქი 2019 წლის შემდეგ არ ჰქონია. მას კარიერაში 63 ჰეთ-თრიქი აქვს გაფორმებული.
Cristiano Ronaldo taking the Hatrick ball home ⚽️❤️
— CristianoXtra (@CristianoXtra_) August 25, 2023
pic.twitter.com/H7CPZ9DI98
ცნობისთვის, „ალ-ნასრის“ 3 ქულა აქვს და სატურნირო ცხრილის მე-10 ადგილს იკავებს. რონალდუს გუნდი მომდევნო შეხვედრას 29 აგვისტოს გამართავს და „ალ-შაბაბს“ დაუპირისპირდება.
