სიტის კვარას შეძენა უნდოდა - რას წერს იტალიელი ჟურნალისტი
ხვიჩა კვარაცხელიამ „ნაპოლისთან“ ერთად წინასასეზონო მზადება უკვე დაიწყო. ქართველი შემტევის სატრანსფერო სიახლეები, თუ ჭორები ნელ-ნელა ნაკლებადინტენსიური გახდა და 99%-ით გადაწყვეტილია, რომ კვარა რჩება, თუმცა ბოლო დღეებში ქართველის მიმართ ინგლისის პრემიერ ლიგიდან სოლიდური ინტერესი იყო.
იტალიელი ჟურნალისტი ლუკა კერჩიონე სოციალურ ქსელში წერს, რომ დიმაროში კვარაცხელიას აგენტის მამუკა ჯუღელის მისვლის მიზეზი არა მხოლოდ ხვიჩას კონტრაქტის განახლება, არამედ „მანჩესტერ სიტის“ ინტერესი იყო.
„ბოლო რამდენიმე კვირის განმავლობაში მანჩესტერ სიტიდან კვარაცხელიას თაობაზე დიდი ზეწოლა იყო, მაგრამ ნაპოლიმ, ასევე ხვიჩას წყალობით, მათ წინააღმდეგობა გაუწია. აქედან გამომდინარე, კლუბმა მამუკა ჯუღელი დიმაროში მიიწვია, რათა კონტრაქტის განახლებაზე დროულად შეთანხმდნენ“.
- წერს კერჩიონე ტვიტერში.
Nelle settimane scorse c’è stato un forte pressing del #ManCity per #Kvaratskhelia ma il #Napoli, complice anche la volontà del 77, ha resistito. Da qui la convocazione a Dimaro da parte del club per l’agente Mamuka Jugeli al fine di trovare velocemente l’accordo per il rinnovo
— Luca Cerchione (@lucacerchione) July 27, 2023
„მანჩესტერ სიტის“ მხრიდან ხვიჩას ინტერესზე რამდენიმე თვის წინ დაიწერა, თუმცა მსუბუქად და ნაკლებად სერიოზულად. უფრო მეტად „ნიუკასლ იუნაიტედი“ აქტიურობდა, თუმცა საბოლოოდ მოლაპარაკებები ამ მიმართულებითაც ჩავარდა.
იტალიელი ჟურნალისტის სიტყვებიდან გამომდინარე, როგორც ჩანს, თავად კვარას ნეაპოლში კიდევ მინიმუმ 1 სეზონის გატარება სურს.