23 წამში გათიშა - 39 წლის ჯიმ მილერმა წლის ნოკაუტი შემოგვთავაზა
UFC-ის 39 წლის ლეგენდარულმა მებრძოლმა ჯიმი მილერმა წლის ნოკაუტი შემოგვთავაზა.
მილემა იეს ბატლერის გათიშვა ბრძოლის დაწყებიდან 23 წამში შეძლო.
ვეტერან მილერს ორგანიზაციის ისტორიაში ჩატარებული და მოპოვებული გამარჯვებების რეკორდი ეკუთვნის - 42 ბრძოლა და 25 მოგება.
მოსალოდნელია, რომ მილერი UFC 300-ზეც იჩხუბებს.
შეგახსენებთ, რომ მილერმა UFC-ის რეკორდი 2022 წლის 3 ივლისს დაამყარა, როცა UFC 276-ზე დონალდ სერონს დაუპირისპირდა და მეტოქე მეორე რაუნდში დაამარცხა, რის შემდეგაც მან UFC-ში რიგით 24-ე გამარჯვება გაიფორმა და მოგებათა რაოდენობით ერთპიროვნული რეკორდსმენი გახდა. MMA-ს ყველაზე პრესტიჟულ ორგანიზაციაში (UFC) 24 მოგება იმ დროს მის გარდა სხვას არავის ჰქონდა მოპოვებული.
ამჯერად კი მილერის ანგარიშზე უკვე 25 გამარჯვებაა. მისი დებიუტი 2008 წელს შედგა.
JIM F****** MILLER!!!!!!!!!!!!!! #UFCVegas74 pic.twitter.com/vgkKdMbzWX
— UFC (@ufc) June 4, 2023
