პოჩეტინოს გადაწყვეტილება | ჩელსი ფელიქსს ატლეტიკოში აბრუნებს
ლონდონის „ჩელსი“ ჟოაუ ფელიქსის კონტრაქტის გამოსყიდვას არ აპირებს. პორტუგალიელი ფეხბურთელი „სტემფორდ ბრიჯზე“ იჯარის წესით თამაშობს, „ატლეტიკოს“ საკუთრებაა და „არისტოკრატების“ ახალმა მთავარმა მწვრთნელმა, მაურისიო პოჩეტინომ გადაწყვიტა, რომ ფელიქსი მისი სამომავლო გეგმების ნაწილი არაა.
- Pochettino no cuenta con João...
— Belén Sánchez García (@Belen_Boli) May 30, 2023
- Cerezo: "Hace menos de 24h que lo sabemos... Vendrá y ya veremos qué pasa... nosotros no tenemos nada previsto".#JUGONES pic.twitter.com/8vh1rl7slB
„24 საათიც არაა გასული მას შემდეგ, რაც ჩელსიმ შეგვატყობინა, რომ კლუბი და პოჩეტინო ფელიქსის დატოვებას არ აპირებენ. ის მადრიდში დაბრუნდება და ვნახოთ, რა მოხდება. ამ ეტაპზე, მისთვის რაიმე გეგმა არ გვაქვს შემუშავებული“, - განაცხადა „ატლეტიკოს“ პრეზიდენტმა, ენრიკე სერესომ.
შეგახსენებთ, რომ ფელიქსი „არისტოკრატებში“ 2023 წლის იანვარში გადავიდა და გაცემული ავანსები ვერ გაამართლა. სადებიუტო შეხვედრაში, მან წითელი ბარათი მიიღო, რომლის გამოც, 3 მატჩის გამოტოვება მოუწია. ფელიქსს „ჩელსის“ მაისურით 20 შეხვედრა აქვს გამართული და მის ანგარიშზე 4 გოლია.
