„ვერ გავაუქმებდი“ - მესის განცხადება საუდის არაბეთში გამგზავრებაზე
„პარი სენ-ჟერმენის“ ფეხბურთელმა, ლიონელ მესიმ საუდის არაბეთში გამგზავრებასთან დაკავშირებით განცხადება გაავრცელა. არგენტინელმა სუპერვარსკვლავმა „ინსტაგრამის“ საკუთარ გვერდზე ვიდეო გამოაქვეყნა და ახსნა, ეს გადაწყვეტილება რატომ მიიღო.
„მეგონა, როგორც ყოველთვის, მატჩის შემდეგ დასვენების დღე გვექნებოდა. ეს მოგზაურობა დაგეგმილი მქონდა და მას ვერ გავაუქმებდი, რადგან ეს ერთხელ უკვე გავაკეთე. ჩემს თანაგუნდელებს ბოდიშს ვუხდი და ველოდები, კლუბი ჩემთან მიმართებით რას გადაწყვეტს“.
Leo Messi statement ???????????? #Messi
— Fabrizio Romano (@FabrizioRomano) May 5, 2023
“I thought we were going to have a day off after the game as always. I had this trip organized and I couldn't cancel it. I had already canceled it before…”.
“I apologize to my teammates and I'm waiting for what the club wants to do with me”. pic.twitter.com/GBuarEgwSl
შეგახსენებთ, რომ „ლორიენთან“ მატჩის შემდეგ, „ლა პულგა“ საუდის არაბეთში გაემგზავრა, რაზეც კლუბისგან თანხმობა არ მიუღია. ამის გამო, პსჟ-მ ლეო დასაჯა და 2-მატჩიანი დისკვალიფიკაცია მისცა. მესი საფრანგეთის ლიგა 1-ის უახლოეს ორ შეხვედრას გამოტოვებს, „ტრუასთან“ გასვლით დაპირისპირებაში (7 მაისი) და „აიაჩოსთან“ საშინაო მატჩში (13) იგი მოედანზე არ იქნება.
გეტყვით იმასაც, რომ „ლა პულგას“ წასვლის შანსები ძალიან გაიზარდა. არგენტინელის გადაბირებით „ბარსელონა“ ინტერესდება და როგორც ცნობილი სატრანსფერო ექსპერტი, ფაბრიციო რომანო წერს, გადაწყვეტილია, რომ იგი „პარკ დე პრენსს“ დატოვებს.
