აზაროვის ზუსტი პენალტი - ცრვენა ზვეზდა თასის ნახევარფინალშია

სერბეთის თასის 1/4-ფინალში „ცრვენა ზვეზდამ“ „ნაპრედაკი“ მძიმე ბრძოლაში, პენალტების სერიაში 4:2 დაამარცხა და ნახევარფინალში გავიდა.

ირაკლი აზაროვი სასტარტო შემადგენლობაში იმყოფებოდა და მოედანზე 120 წუთი გაატარა.

ძირითადი დრო ფრედ 0:0 დასრულდა. უგოლო იყო დამატებითი ტაიმებიც. გამარჯვებული პენალტების სერიამ გამოავლინა, რომელშიც მონაწილეობა აზაროვმაც მიიღო და დარტყმა ზუსტად შეასრულა და თავისი გუნდი 2:1 დააწინაურა.

„ცრვენა ზვეზდას“ მეტოქე ნახევარფინალში „რადნიკსა“ და „ჩუკარიჩკის“ გამარჯვებულს შორის გამოვლინდება.

ირაკლი აზაროვმა მიმდინარე სეზონში ყველა ტურნირზე „ცრვენა ზვეზდას“ მაისურით 21 მატჩი ჩაატარა და 2 საგოლე გადაცემა შეასრულა.