მეცმა ქულები დაკარგა - მიქაუტაძის მე-20 გოლი ლიგა 2-ში
საფრანგეთის ლიგა 2-ის 33-ე ტურში „მეცი“ შინ „პარიზთან“ 0:1 მარცხდებოდა, თუმცა მე-18 წუთზე ჩემპიონატის საუკეთესო ბომბარდირმა გიორგი მიქაუტაძემ პენალტის ნიშნულიდან ანგარიში გაათანაბრა და მატჩის საბოლოო ანგარიში დაფიქსირდა - 1:1. მიუხედავად არაერთი მცდელობისა, „მეცმა“ დაწინაურება ვეღარ შეძლო და უმნიშვნელოვანესი ქულები დაკარგა.
მიქაუტაძემ შეუცვლელად ითამაშა. Sofascore-მა 7,0 დაუწერა, ამ შეფასებით მხოლოდ ორ თანაგუნდელს ჩამორჩა. საქართველოს ეროვნული ნაკრებისა და „მეცის“ ფორვარდმა მიმდინარე სეზონში ლიგა 2-ის 32 მატჩში მე-20 გოლი შეაგდო (5 პენალტით) და 7 საგოლე პასი შეასრულა. ბომბარდირთა დავაში კონკურენტებს 4 გოლით უსწრებს. საინტერესოა, რომ საგოლე პასების რაოდენობით ლიგა 2-ში მხოლოდ „სენტ. ეტიენის“ შეტევს, ჟან-ფილიპ კრასოს ჩამორჩება, მან 9 საგოლე პასი შეასრულა.
ლიგა 2-ს „ლე ავრი“ 68 ქულით ლიდერობს, ზურიკო დავითაშვილის „ბორდოს“ ანგარიშზე 62 ქულაა, მესამე პოზიციას 59 ქულით „მეცი“ იკავებს. ელიტაში საუკეთესო 2 გუნდი აღზევდება. 34-ე ტურში „ბორდო“ „კაენს“ მიიღებს (6 მაისი), „მეცი“ „ნიორს“ ესტუმრება (6 მაისი).
Les @girondins prennent un peu d'avance sur le @FCMetz ????????
— Ligue 2 BKT (@Ligue2BKT) April 29, 2023
Bonne ou mauvaise opération de votre équipe ? pic.twitter.com/i3k0vK4bpy
