ფედელე: სპალეტი ერთსა და იმავე შეცდომას იმეორებს

ყოფილი საფეხბურთო აგენტი და ამჟამად სატელევიზიო ექსპერტი ენრიკო ფედელე, რომელიც „ნაპოლის“ მატჩებს ხშირად აფასებს, ამჯერად ლუჩანო სპალეტის აკრიტიკებს.

„ნაპოლის გამარჯვებისკენ გადადგმული ნაბიჯი და გადამწყვეტი მომენტი რასპადორის ცვლილებაზე შესვლა არ იყო. ვფიქრობ, გარდამტეხი მომენტი ალეგრის მიერ ტაქტიკის შეცვლა და 2 გარემარბზე გადასვლა იყო. ამან ნაპოლის ხელფეხი გაუხსნა და რამდენიმე შანსი მისცა.

გასაკვირი ის არის, რომ ოსიმენმა მათ მაშინვე 3 გოლი არ გაუტანა. ნაპოლის არ შეუტევია და ცვლილებებამდე კარშიც კი არ დაურტყამს.

მათ შეუტიეს მაშინ, როცა სივრცე მიიღეს. სპალეტი ერთსა და იმავე შეცდომას უშვებს: ისინი გოლებს კონტრშეტევებზე უშვებენ. ვფიქრობ, ეს უკვე აღარ არის 2-3 თვის წინანდელი ნაპოლი.

ჩვენ ვნახეთ იუვენტუსთან გუნდი, რომელსაც პირველ ტაიმში კარში არ დაურტყამს. დი მარიას გოლი ვიდეო რეფერიმ გააუქმა, წინააღმდეგ შემთხვევაში დღეს სხვა რამეზე ვისაუბრებდით. რა თქმა უნდა, შეგვიძლია ვთქვათ, რომ ეს ნაპოლის წელია, მაგრამ მათი პროექტი დიდხანს ვერ გაგრძელდება“.

- ციტირებს ფედელეს სიტყვებს Radio Marte.