„მადლობა თანადგომისთვის, დანარჩენი თქვენით განსაზღვრეთ“ - დოლიძე ბრძოლის შემდეგ
UFC 286-ზე რომან დოლიძე იტალიელ მარვინ ვეტორისთან მსაჯთა ერთსულოვანი გადაწყვეტილებით დამარცხდა, თუმცა ამ გადაწყვეტილებამ დიდი გამოხმაურება და უკმაყოფილება გამოიწვია. ქომაგებისა და ექსპერტების დიდი ნაწილი ვეტორის გამარჯვებას სამართლიანად არ მიიჩნევს.
ერთ-ერთმა არბიტრმა სამივე რაუნდში გამარჯვებულად ვეტორი დაასახელა (29-28, 29-28, 30-27), რამაც საერთო გადაწყვეტილებაზე დიდი გავლენა მოახდინა.
რომან დოლიძემ ბრძოლის შემდეგ, სოციალურ ქსელში მოკლე პოსტი გამოაქვეყნა:
„დიდი მადლობა თანადგომისთვის, დანარჩენი თქვენით განსაზღვრეთ. მადლობა ყველას!"
- წერს დოლიძე, საიდანაც აშკარად ჩანს, რომ არბიტრების გადაწყვეტილებით თავადაც უკმაყოფილოა.
View this post on Instagram
„მსაჯებმა რომან დოლიძეს ბრძოლა წააგებინეს. არ ვიცი ქულები როგორ დათვალეს“.
- წერს სოციალურ ქსელში მერაბ დვალიშვილი.
თავად ვეტორი თავს დამსახურებულ გამარჯვებულად თვლის:
„ვიცი, დღევანდელ შეხვედრაში მასზე უკეთესი მებრძოლი ვიყავი, დამსახურებულად გავიმარჯვე. ვაპირებ, რომ კიდევ განვვითარდე, პროგრესი ვაჩვენო. ტიტულის მოსაპოვებლად კიდევ რამდენიმე ბრძოლის გამართვა და გამარჯვება მჭირდება“.
