ვიქტორ მონხილი: “კვარა ამის ნათელი მაგალითია“
ხვიჩა კვარაცხელიაზე, რომ უამრავი ადამიანი საუბრობს ეს ახალი არავისთვის არის. ესპანური ავტორიტეტული გამოცემა MARCA თბილისის „დინამოს“ ესპანელ ყოფილ ფეხბურთელს დაუკავშირდა და „კვარას“ შესახებ ჰკითხა.
რა თქვა მონხილმა?
„სამწუხაროდ, საქართველოში ყოფნისას სპორტის სახეობებიდან პრიორიტეტი რაგბი იყო, მაგრამ ახლა ყველაფერი იცვლება და იქ ბევრი რამ ვითარდება. საქართველო ახალგაზრდა სექტორის განვითარებისთვის ყველაფერს აკეთებს.
საქართველო არის ქვეყანა, სადაც დამწყებ ფეხბურთელებს ხელს უწყობენ, რათა მეზობელ ქვეყნებში გაიყიდონ. ვსაუბრობ პოლონეთზე, რუმინეთზე და რუსეთზე. თუ ეს მოთამაშეები გაამართლებენ და სწორად ზრდას გააგრძელებენ დიდ ბენეფიტს მიიღებენ. კვარაცხელია ამის ნათელი მაგალითია.“
შეგახსენებთ, რომ ხვიჩა კვარაცხელია საქართველოს დატოვების შემდეგ ჯერ მოსკოვის „ლოკომოტივში“ თამაშობდა, ხოლო შემდეგ ყაზანის „რუბინში.“ „ნაპოლის“ კი გასული წლის ზაფხულში შეუერთდა, სადაც გუნდის ლიდერად იქცა.
