7-გოლიანი თრილერი - ულამაზესი გოლების მატჩი

კრისტალბეთ ეროვნული ლიგის 2023 წლის სეზონის პირველ ტურში „გაგრამ“ „ილია კოკაიაზე“ წყალტუბოს „სამგურალი“ მიიღო და 3:4 დამარცხდა.

7-გოლიან თრილერში „გაგრა“ 0:2-ს აგებდა, შემდეგ 3:2-ს იგებდა, თუმცა საბოლოოდ სტუმრებმა გაიმარჯვეს - 3:4. გარდა იმისა, რომ მატჩი საკმაოდ დრამატული გამოვიდა, ქომაგებმა ულამაზესი გოლები იხილეს.

პირველი ტაიმის 6-წუთიან მონაკვეთში ნიკა ხორხელმა დუბლი შეასრულა,  27-ე წუთზე მარცხენა ფლანგიდან ნიკა კალანდარიშვილის ჩაწოდების შემდეგ ბურთი გიორგი ნიქაბაძემ მიიღო, რასაც ხორხელის დარტყმა მოჰყვა, ახლო მანძილიდან გაიტანა. 33-ე წუთზე ნიკა ხორხელმა დუბლი შეასრულა, ლევან კაკუბავამ ბურთი საჯარიმოდან გამოიტანა, ხორხელმა კი მინდორზე დაუშვებლად ლამაზი გოლი შეაგდო.

ნიკა ხორხელის მეორე გოლის მსგავსად გიორგი ლომთაძემაც ეფექტური გოლით გამოიჩინა თავი, 36-ე წუთზე შონიას პასის შემდეგ ანგარიში შეამცირა - 1:2

მე-60 წუთზე ზურაბ მუსელიანმა აკტრობატულ ნახტომში ულამაზესი გოლი შეაგდო, 78-ე წუთზე ლომთაძემ დუბლი შეასრულა და „გაგრა“ წინ გავიდა, თუმცა 82-ე წუთზე სერგი კუახიანიძემ ნახტომში ეფექტური გოლი გაიტანა, 85-ე წუთზე გიორგი ნიქაბაძის ზუსტად შესრულებულმა პენალტმა „სამგურალს“ 3 ქულა მოუპოვა - 3:4.

CrystalSport-ის ცნობით, „გაგრაში“ დაბრუნებული თორნიკე ოქრიაშვილმა აღნიშნული შეხვედრა წელის ტკივილის მიზეზით გამოტოვა. ფეხბურთელმა დაზიანება ბოლნისის „სიონთან“ ამხანაგურ შეხვედრაში მიიღო. მან „სამგურალთან“ მატჩს თვალი ტრიბუნიდან ადევნა.