ქართველების ლეხი მომდევნო ეტაპზეა - პოლონელებმა ბოდო გლიმტს სძლიეს

ნიკა კვეკვესკირისა და გიორგი წიტაიშვილის „ლეხი“ კონფერენს ლიგაზე ასპარეზობას განაგრძობს. 1/16 ფინალში პოლონელებმა „ბოდო გლიმტის“ ბარიერი დაძლიეს და სტუმრად ნათამაშები ფრის შემდეგ, ნორვეგიელებს საკუთარ კედლებში მინიმალური ანგარიშით მოუგეს - 1:0.

შეხვედრის ერთადერთი გოლი 63-ე წუთზე გავიდა. მისი ავტორი იშაკია, რომელმაც პერეირას გადაცემით ისარგებლა. ქართველებს რაც შეეხებათ, წიტაიშვილმა მატჩი სათადარიგოთა სკამზე დაიწყო და სათამაშო დრო არ მიუღია, კვეკვესკირი კი თამაშში 90-ე წუთზე ჩაერთო.

ამრიგად, „ლეხი“ კონფერენს ლიგის საუკეთესო 16 გუნდს შორის მოხვდა და მისი მომდევნო მეტოქის ვინაობა ხვალ გაირკვევა. თბილისის დროით, 16:00-ზე წილისყრა გაიმართება და ყველა წყვილი გახდება ცნობილი.

ვინ გავიდა მერვედფინალში

ბაზელი, ლაციო, ფიორენტინა, აეკ ლარნაკა, შერიფი, ანდერლეხტი, ლეხი, გენტი, ბაშაქშეჰირი, ვესტ ჰემი, ვილიარეალი, ნიცა, ალკმაარი, დიურგარდენი, სივასპორი, სლოვანი.