ვახტანგ ჭანტურიშვილი
Aa
Aa

გოლი და საგოლე პასი - ჭანტურიშვილის შედეგიანი მატჩი ჩეხეთში

ჩეხეთის უმაღლესი ლიგის მე-18 ტურში „იაბლონეცისა“ და „ზლინის“ შეხვედრა ფრედ 2:2 დასრულდა. ანგარიში მე-18 წუთზე „ზლინის“ ქართველმა შემტევმა ვახტანგ ჭანტურიშვილმა გახსნა. 52-ე წუთზე ქართველის საგოლე გადაცემით მარტინ ფილომ ანგარიში ორამდე გაზარდა.

 

„ზლინმა“ ორბურთიანი უპირატესობა მატჩის დარჩენილ დროში გაანიავა, 3 ქულის მოპოვების რეალური შანსი ვერ გამოიყენა, შეხვედრა 2:2 დასრულდა.

16-გუნდიან ჩემპიონატში ქართველი ფეხბურთელის გუნდი 14 ქულით მე-15 ადგილზეა, ელიტაში ადგილის შენარჩუნებისთვის იბრძვის.

29 წლის ვახტანგ ჭანტურიშვილმა ჩეხეთის ჩემპიონატის მიმდინარე სეზონში 18 მატჩში 2 გოლი შეაგდო და 6 საგოლე პასი შეასრულა. „ზესტაფონისა“ და თბილისის „დინამოს“ ყოფილი ფეხბურთელი 2019 წლის ზამთრიდან ჩეხური გუნდის ღირსებას იცავს. მას ასევე უთამაშია უკრაინულ „ოლექსანდრიასა“ და სლოვაკურ ტრნავის „სპარტაკში“.

კომენტარები

    იყავით პირველი, ვინც დაწერს კომენტარს

    მსგავსი სიახლეები

    ცხელი ამბები