ლოჩოშვილი VS კვარაცხელია არ შედგება - ლუკა განაცხადს მიღმაა
იტალიის თასის მერვედფინალში „ნაპოლი“ დიეგო მარადონას სახელობის სტადიონზე „კრემონეზეს“ უმასპინძლებს. სტუმართა ახალი მთავარი მწვრთნელის, დავიდე ბალარდინის გადაწყვეტილებით აღნიშნულ შეხვედრას მისი გუნდი გადახალისებული შემადგენლობით შეხვდება, თამაშში მონაწილეობას ლუკა ლოჩოშვილი არ მიიღებს. სავარაუდოდ, მწვრთნელმა ფეხბურთელების დასვენება გადაწყვიტა.
ლუკას ჩათვლით „კრემონეზეს“ პირველი გუნდის 9 მოთამაშე სათასო შეხვედრას გამოტოვებს.
Mister #Ballardini ha convocato 2️⃣0️⃣ grigiorossi per #NapoliCremonese ????➡️ https://t.co/khU5GEWLY0#SolAmAi #ForzaGrigiorossi #DaiCremo #SerieATIM ???????? pic.twitter.com/kpXGkl7gRz
— U.S. Cremonese (@USCremonese) January 16, 2023
დავიდე ბალარდინის მსგავსად ლუჩანო სპალეტიც გეგმავს შემადგენლობის გადახალისებას. შესაძლოა, ამ მატჩში ხვიჩა კვარაცხელიაც ვერ ვიხილოთ.
„ნაპოლი“ - „კრემონეზეს“ შეხვედრა 18 იანვარს, 00:00 საათზე დაიწყება.
სერია ა-ს შემდეგ ტურში „კრემონეზე“ „ბოლონიას“ ესტუმრება (23 იანვარი), „სალერნიტანა“ „ნაპოლის“ მიიღებს (21 იანვარი).
