ყველა ფეხბურთელი ჯანმრთელია - საფრანგეთმა სრული შემადგენლობით ივარჯიშა
მსოფლიო ჩემპიონატის ფინალში ერთმანეთს საფრანგეთი და არგენტინა უპირისპირდებიან. დიდიე დეშამს ნახევარფინალშიც და ფინალის წინაც შემადგენლობასთან დაკავშირებით გარკვეული სახის პრობლემები ჰქონდა.
მაროკოს წინააღმდეგ, რაბიომ და უპამეკანომ ვერ ითამაშეს. მცირე დაზიანება მიიღო ჩუამენიმ. ვირუსი ჰქონდა კიდევ რამდენიმე ფეხბურთელს და აქედან გამომდინარე, გაჩნდა საშიშროება, რომ „მამლები“ ფინალში შესუსტებული შემადგენლობით ითამაშებდნენ.
დღეს, გავლენიანი ფრანგული გამოცემა L’EQUIPE წერს, რომ ბოლო ვარჯიშზე აბსოლუტურად ყველა ფრანგმა ფეხბურთელმა მიიღო მონაწილეობა და ყველანაირი პრობლემა მოგვარდა.
Varane, Konaté, Coman, Tchouaméni et Theo Hernandez à l'entraînement des Bleus https://t.co/jET0QrFNQp pic.twitter.com/dIvJeNUAKP
— L'ÉQUIPE (@lequipe) December 17, 2022
შეგახსენებთ, რომ არგენტინისა და საფრანგეთის ფინალური დაპირისპირება 18 დეკემბრით თარიღდება და თბილისის დროით 19:00-დან დაიწყება.
