პოჩეტინო: სამწუხაროა, რომ მარადონა აქ არ არის და ამას ვერ ნახავს

მაურისიო პოჩეტინოს გული სწყდება, რომ დიეგო მარადონა კვირას გასამართ ფინალს ვერ ნახავს.

„თუ რაიმე მაწუხებს კვირას გასამართ ფინალში, ეს არის ის, რომ ჩემი გმირი მარადონა აქ არ არის და ის ამას ვერ ნახავს. ვფიქრობ, ყველას გვენატრება ტრიბუნებზე დიეგოს მიერ არგენტინის გოლების აღნიშვნა, იქნება ეს მესის გოლი, ხულიენის თუ სხვა.

ძალიან სამწუხაროა, რადგან ის არგენტინული ფეხბურთისთვის ძალიან ბევრს ნიშნავდა, მაშინაც კი, როცა კარიერა დაასრულა.

არ ვიცი რას ეტყოდა მარადონა მესის, ეს რომ შეეძლოს. გენიოსი გენიოსია, ისინი ყველასგან განსხვავდებიან. მხოლოდ ის ვიცი, რომ დიეგო მესის ჩაეხუტებოდა, მას აკოცებდა და დალოცავდა.

მშვენიერია ამაზე ფიქრი, მაგრამ სამწუხაროა იმის გახსენება, რომ დიეგო კვირას ჩვენთან არ იქნება და არგენტინას ვერ უქომაგებს. მაგრამ ვგრძნობ, რომ ის არგენტინას სხვა სამყაროდან უჭერს მხარს.

ის ჯერ კიდევ ჩვენს ფიქრებშია. ის დაეხმარება ეროვნულ გუნდს საუკეთესო მატჩში გამარჯვებას მიაღწიოს“,

- ციტირებს პოჩეტინოს სიტყვებს The Athletic-ი.