ამას არ ელოდნენ - ადიდასს მესის 10-ნომრიანი მაისურების დეფიციტი აქვს
ადიდასი ლიონელ მესის მაისურებზე მოთხოვნას ვერ აკმაყოფილებს.
Marca-ს ცნობით, გერმანული სპორტული ტანსაცმლის მწარმოებელი ბრენდი არგენტინის 10-ნომრიანი მაისურების დეფიციტს განიცდის და ეს მთელ მსოფლიოში, ყველა ზომის კატეგორიაში ხდება.
კომპანია ვარაუდობდა, რომ პროდუქცია ძალიან კარგად გაიყიდებოდა, მაგრამ არ ელოდა, რომ მოთხოვნა მაღაზიებში კოლაფსს გამოიწვევდა.
Adidas ამ საკითხს განიხილავს, რათა მაღაზიები ფორმებით უზრუნველყოს იმ შემთხვევაში, თუ არგენტინა კვირას მსოფლიო ჩემპიონატის ფინალს მოიგებს.
თუმცა, ამჟამინდელმა დეფიციტმა ყალბი მაისურების წარმოება და რეალიზაცია გამოიწვია, რაც, სხვა საკითხებთან ერთად არგენტინის ფეხბურთის ასოციაციისთვის ცნობილი გახდა და ისინი ამ პრობლემაზე უკვე მუშაობენ.
