კარგი თამაში დაუფასდა - ლივაკოვიჩთან მოლაპარაკებას ბაიერნი აწარმოებს
მსოფლიო ჩემპიონატის აღმოჩენა ხორვატიის ნაკრების კარის დარაჯი დომინიკ ლივაკოვიჩი გახლავთ. 27 წლის მეკარის კარგი თამაში ევროპულ გრანდებს არ გამოჰპარვიათ და მისი შეძენით არც მეტი, არც ნაკლები მიუნხენის „ბაიერნი“ ინტერესდება.
გავლენიანი გერმანელი ჟურნალისტი ფლორიან პლეტენბერგი, „ტვიტერის“ საკუთარ გვერდზე წერს, რომ „რეკორდმაისტერსა“ და ლივაკოვიჩს შორის მოლაპარაკება დაწყებულია. მიუნხენური კლუბი „დინამო“ ზაგრების მეკარეს მანუელ ნოიერის შემცვლელად განიხილავს.
❗️Excl. News #Livakovic: Talks between his management and Bayern have already started! In order to replace Neuer. Early stage … @SkySportDE ???????? pic.twitter.com/hsQ6Kquwnv
— Florian Plettenberg (@Plettigoal) December 12, 2022
მოგეხსენებათ, „მანუ“ ახლა 36 წლის არის. რამდენიმე დღის წინ კი თხილამურებით სრიალისას ფეხი მოიტეხა და მიმდინარე სეზონი მისთვის დასრულდა. მომავალ სეზონში კი როგორ ფიზიკურ ფორმაში დაბრუნდება არავინ იცის. აქედან გამომდინარე, „ბაიერნმა“ მომავალზე ზრუნვა დაიწყო.
შეგახსენებთ, რომ ლივაკოვიჩმა გადამწყვეტი როლი ითამაშა მუნდიალის მერვედფინალში და მეოთხედფინალში. დომონიკმა იაპონიის წინააღმდეგ 3 პენალტი მოიგერია, ხორვატია შემდეგ ეტაპზე გაიყვანა და თვითონ ისტორიაში შევიდა.
27 წლის მეკარე, მსოფლიო ჩემპიონატის ისტორიაში გახდა მესამე, რომელმაც ერთ შეხვედრაში 3 თერთმეტმეტრიანის მოგერიება შეძლო. აქამდე მსგავსი რამ რიკარდომ 2006 წელს ინგლისის წინააღმდეგ გააკეთა, ხოლო 2018 წელს ასევე ხორვატმა სუბაშიჩმა დანიასთან.
Only three goalkeepers have saved three penalties in a single World Cup shootout:
— Squawka (@Squawka) December 5, 2022
???????? Ricardo vs. England (2006)
???????? Danijel Subašić vs. Denmark (2018)
???????? Dominik Livaković vs. Japan (2022)
Croatia have a new hero.#FIFAWorldCup pic.twitter.com/kzCP4688Ju
