ნიდერლანდები, სენეგალი
Aa
Aa

A ჯგუფი: მერვედფინალში ნიდერლანდები და სენეგალი გავიდნენ

მსოფლიო ჩემპიონატის A ჯგუფში ყველაფერი გაირკვა. მერვედფინალში ნიდერლანდები და სენეგალი გავიდნენ. მიუხედავად იმისა, რომ ეკვადორმა ჩემპიონატი კარგად დაიწყო, საბოლოოდ ჯგუფში ჩარჩა.

ნიდერლანდების ნაკრებმა კატარი საკმაოდ მარტივად დაამარცხა. 26-ე წუთზე ანგარიში გაკპომ გახსნა, რომელმაც რეკორდი დაამყარა. გაკპო გახდა პირველი ნიდერლანდელი ფეხბურთელი, რომელმაც მუნდიალის პირველ სამ შეხვედრაში გოლი გაიტანა.

49-ე წუთზე მეორე გოლი ფრენკი დე იონგმა გაიტანა და საბოლოო წერტილი დასვა. ვან გაალის ნაკრები 7 ქულით ჯგუფში პირველ ადგილზე გავიდა.

რაც შეეხება ეკვადორისა და სენეგალის დაპირისპირებას, საკმაოდ მძიმე მატჩი ვიხილეთ. ანგარიში 44-ე წუთზე პენალტის ნიშნულიდან ისმაილა სარმა გახსნა და პირველი ტაიმი 1:0 დასრულდა. მეორე ნახევარში 68-ე წუთზე კაისედომ წონასწორობა აღადგინა, თუმცა ზუსტად 2 წუთში კულიბალიმ გაისროლა და თავის ნაკრებს გამარჯვების მოპოვებაში დაეხმარა. საბოლოო ანგარიში - 2:1.

როგორც უკვე მოგახსენეთ, ნიდერლანდებმა 7 ქულა დააგროვა, ხოლო მეორე პოზიციაზე სენეგალი 6 ქულით გავიდა.

ეკვადორი - სენეგალი 1:2

ნიდერლანდები - კატარი 2:0

მსგავსი სიახლეები

ცხელი ამბები
ასევე დაგაინტერესებთ
ლისანდრო მარტინესი: “მატჩის ბედს დეტალები გადაწყვეტს“
ლისანდრო მარტინესი: “მატჩის ბედს დეტალები გადაწყვეტს“