მსოფლიო ჩემპიონატი: ზურაბ იაკობიშვილი ნახევარფინალში დამარცხდა
სერბეთის დედაქალაქ ბელგრადში თავისუფალი სტილით მოჭიდავეთა შორის მსოფლიო ჩემპიონატზე დღეს საჭიდაო ხალიჩაზე 4 ქართველი ფალავანი გამოვიდა, მათგან 1 კი ბრძოლას ოქროს მედლისთვის განაგრძობს - გენო პეტრიაშვილი.
რაც შეეხება 70კგ კატეგორიას და ზურაბ იაკობიშვილს, ის ნახევარფინალში ამერიკელ ზაინ ალენ რეზერფორდთან უშანსოდ 0:7 დამარცხდა.
125 კგ კატეგორიაში მოგვიანებით ფინალში გასასვლელად გენო პეტრიაშვილი იჭიდავებს, რომელიც მონღოლ ლხაგვაგერელ მუნხტურს დაუპირისპირდება.
კიდევ ორი მოჭიდავე - ტარზან მაისურაძე (86) და ვლადიმერ გამყრელიძე (79) კი დამარცხდნენ და გააგრძელებენ, თუ არა ასპარეზობას რეპეშაჟში, ეს მოგვიანებით გახდება ცნობილი.
