ფაბრიციო რომანო: „ყველაფერი შეთანხმებულია, კაზემიროს ტრანსფერი გადაწყვეტილია“
„მანჩესტერ იუნაიტედმა“ მიზანს მიაღწია და მადრიდის „რეალი“ დაიყოლია. გავლენიანი სატრანსფერო ექსპერტის, ფაბრიციო რომანოს ინფორმაციით, კლუბებს შორის ყველა დეტალი შეთანხმებულია და ოფიციალურ განცხადებას უახლოეს დღეებში უნდა ველოდოთ.
Casemiro to Man United, here we go! Real Madrid accepted all details of the bid, clubs preparing contracts right now. €60m fixed fee, €10m add-ons ???????????????? #MUFC
— Fabrizio Romano (@FabrizioRomano) August 19, 2022
Casemiro has full agreement on four year deal, option until 2027.
Medical and then visa to be sorted during weekend. pic.twitter.com/tiuAdkCR81
„რეალი მიღებული წინადადების ყველა დეტალს დათანხმდა. კლუბები ამ წუთებში კონტრაქტებს ამზადებენ. მანჩესტერი 60 მილიონ ევროს გადაიხდის, ბონუსების გათვალისწინებით, თანხა 70 მილიონამდე გაიზრდება. კაზემიროს იუნაიტედთან ყველაფერი შეთანხმებული აქვს და 4-წლიან ხელშეკრულებას გააფორმებს. სამედიცინო შემოწმება და ვიზასთან დაკავშირებული საკითხები ამ უქმეებზე მოგვარდება“, - წერს რომანო.
შეგახსენებთ, რომ რამდენიმე საათის წინ, კაზემიროზე კარლო ანჩელოტიმ ისაუბრა და განაცხადა: „მას კარიერაში ახალი გამოწვევა სურს და მისი გადაწყვეტილება გვესმის. მოლაპარაკებები მიმდინარეობს, მაგრამ მან მადრიდის რეალის დატოვება გადაწყვიტა“.
