რომანომ დაადასტურა - ლუკაკუ ინტერში დაბრუნდა
საფეხბურთო სეზონი დასრულდა და ახლა სატრანსფერო სიახლეების დროა. აქტიურად იწერებოდა იმის შესახებ, რომ რომელუ ლუკაკუ „ინტერში“ დაბრუნდებოდა. მხარეები ფინანსურ დეტალებზე ვერ თანხმდებოდნენ, თუმცა დღეს ყველაფერი შეიცვალა.
გავლენიანი სატრანსფერო ექსპერტი და ცნობილი სპორტული ჟურნალისტი ფაბრიციო რომანო, „ტვიტერის“ საკუთარ გვერდზე წერს, რომ ბელგიელი თავდამსხმელი „ნერაძურიში“ იჯარის წესით დაბრუნდა.
ცნობილია დეტალებიც. „ინტერს“ ლუკაკუს გამოსყიდვის უფლება არ ექნება, ხოლო მისი 1-წლიანი იჯარა 8 მილიონი ევრო დაჯდა. ამავე რაოდენობის ანაზღაურება ექნება რომელუს „ნერაძურიში“.
Romelu Lukaku returns to Inter, here we go and confirmed! Full agreement now signed on loan deal until June 2023, €8 loan fee plus add-ons. ⚫️???? #CFC #Inter
— Fabrizio Romano (@FabrizioRomano) June 21, 2022
▫️ Lukaku’s salary will be around €8m.
▫️ NO buy option or obligation clause.
▫️ Add-ons related to team performances. pic.twitter.com/3sEeQtfXs0
შეგახსენებთ, რომ ბელგიელი თავდამსხმელი გასული წლის ზაფხულის სატრანსფერო ფანჯრის დროს „ჩელსიმ“ „ინტერიდან“ 115 მილიონი ევროს სანაცვლოდ იყიდა, თუმცა ახალ „არისტოკრატებს“ ვერ შეეგუა და უკან დაბრუნება ითხოვა.
გასული სეზონის განმავლობაში, ლუკაკუმ „ჩელსის“ მაისური ყველა ტურნირზე ერთად 44-ჯერ მოირგო, 15 გოლი გაიტანა და 2 საგოლე გადაცემა შეასრულა.
