რაფინია და ბარსა შეთანხმდნენ - პრობლემა სატრანსფერო ღირებულებაა
ახალი არავისთვის არის, რომ „ბარსელონას“ რაფინიას შეძენა სურს. კატალონიური გრანდი აქტიურად აწარმოებს მოლაპარაკებას „ლიდსის“ შემტევთან. გავლენიანი სატრანსფერო ექსპერტი და ცნობილი სპორტული ჟურნალისტი ამ საკითხთან დაკავშირებით ახალ ინფორმაციას ავრცელებს.
ვიგებთ, რომ „ბარსელონამ“ ბრაზილიელი ფეხბურთელის აგენტთან დეკუსთან ყველაფერი მოაგვარა და ტრანსფერისთვის მზად არის, თუმცა პრობლემას ინგლისური კლუბის მოთხოვნილი თანხაა. „ლიდსს“ საკუთარი მოთამაშის სანაცვლოდ 55 მილიონი ევრო სურს..
რომანო იმასაც წერს, რომ ბარსამ უნდა იჩქაროს, რადგან რაფინიასთვის პრემიერ ლიგის კლუბებიც იბრძვიან. მათ შორის „არსენალიც“, თუმცა ოფიციალური შეთავაზება „მეთოფეებს“ ჯერ არ გაუკეთებიათ.
Raphinha deal. Barcelona have full agreement with his agent Deco since February on a five year deal but Leeds want €55m, no plan to change their price tag. ???????? #FCB
— Fabrizio Romano (@FabrizioRomano) June 19, 2022
Barça need to be fast as Premier League clubs are back in the race, including Arsenal - but no bid submitted yet.
როგორც მოგეხსენებათ, „ბარსელონას“ ახლა ფინანსური კრიზისი აქვს და ახალი თანხების მოძიების პროცესშია. აქედან გამომდინარე, ჯერჯერობით რაფინიაში 55 მილიონის გადახდა საკმაოდ რთული იქნება.
რაფინია „ლიდსში“
25 წლის შემტევი ინგლისურ კლუბს 2020 წელს შეუერთდა. ორი სეზონის განმავლობაში რაფინიამ „ლიდსი იუნაიტედის“ მაისური ყველა ტურნირზე ერთად 66-ჯერ მოირგო, 17 გოლი გაიტანა და 11 საგოლე გადაცემა შეასრულა.
