პრობლემები რაფინიას გარშემო - ბარსას მისი ყიდვა გაუჭირდება
კატალონიის „ბარსელონას“ რაფინიას ტრანსფერთან დაკავშირებით პრობლემები ექმნება. ამ საკითხთან დაკავშირებით, გავლენიანი სატრანსფერო ექსპერტი და ცნობილი სპორტული ჟურნალისტი ფაბრიციო რომანო ახალ ინფორმაციას ავრცელებს.
რომანოს თქმით, რაფინიასთვის ბარსა პრიორიტეტია, თუმცა მხარეებს შორის ჯერ კიდევ არ ხერხდება შეთანხმება და ამას თავისი მიზეზები აქვს.
„ლიდსი“ თავის ფეხბურთელს 55 მილიონ ევროზე ნაკლებად არ შეელევა. ეს თანხა „ბლაუგრანასთვის“ მიუღებელია და ნაწილ-ნაწილ გადახდას ითხოვს, რასაც ინგლისელები არ თანხმდებიან.
Raphinha has Barcelona as priority since February… but the deal is still not close to be completed between clubs ???????? #FCB
— Fabrizio Romano (@FabrizioRomano) May 31, 2022
Leeds have no intention to accept less than €55m - not payable in many installments/years. It’s up to Barça, while other clubs are now joining the race too.
რეალურად კი ყველაფერი „ბარსელონას“ გადასაწყვეტია. თუ ჩავის გუნდი აღნიშნულ თანხას გადაიხდის, რაფინიას უპრობლემოდ შეიძენს. რომანოს ინფორმაციით, ბრაზილიელი ფეხბურთელით სხვა კლუბებიც ინტერესდებიან და ეს კატალონიელებს დამატებით პრობლემას უქმნის.
რაფინია „ლიდსში“
25 წლის ბრაზილიელი ინგლისურ კლუბს 2020 წელს შეუერთდა. 2020 წლიდან დღემდე, რაფინიამ „ლიდსის“ მაისური ყველა ტურნირზე ერთად 67-ჯერ მოირგო, 17 გოლი გაიტანა და 12 საგოლე გადაცემა შეასრულა.
