საქველმოქმედო ტურნირი - სექტორ 27 ტურნირის გამარჯვებული გახდა

განახლებულ მზიურს სტადიონზე ქართულ-უკრაინული თანამეგობრობის ალიანსისა და მასტერ ლიგის ერთობლივი საქველმოქმედო საფეხბურთო ტურნირის - Stronger Together - ფინალური შეხვედრა გაიმართა.

სადაც ერთმანეთს აპტოსი და სექტორ 27 უპირისპირდებოდნენ. დაძაბული მატჩი სექტორის 27-ის გამარჯვებით ანგარიშით 2:3 დასრულდა.

ტურნირი მიზნად ისახავდა, საქართველოში იძულებით გადაადგილებული რუსეთ-უკრაინის ომით დაზარალებული უკრაინის მოქალაქეების მხარდაჭერას და პროექტის ფარგლებში შემოსული თანხა სრულად მოხმარდება მათ საჭიროებებს.

ტურნირში მონაწილეობდა 8 გუნდი : სექტორი 27; აპტოსი; მასტერ ლიგა; ლისი დეველოპმენტი; საქართველოს ადვოკატთა ასოციაცია; ზედაზენი; არქი და ანაგი დეველოპმენტი.

საფინალო ღონისძიებაზე თითოეულ მონაწილე გუნდსა და ფეხბურთელს გადაეცათ სამადლობელო სიგელები.

მატჩის დაწყებამდე კი ანსამბლმა რუსთავმა საქართველოს და უკრაინის ჰიმნები შეასრულეს.