მსუბუქი მიოკარდიტი - როგორია ალფონსო დევისის მდგომარეობა კორონავირუსის გადატანის შემდეგ
მიუნხენის „ბაიერნის“ მთავარმა მწვრთნელმა, იულიან ნაგელსმანმა ალფონსო დევისის ჯანმრთელობის მდგომარეობაზე ისაუბრა. გერმანელმა სპეციალისტმა განაცხადა, რომ კორონავირუსის გადატანის შემდეგ, დევისს მკურნალობა სჭირდება და რამდენიმე კვირას იუქმებს.
„კორონავირუსის გადატანის შემდეგ, ალფონსო დევისს მსუბუქი მიოკარდიტის ნიშნები აქვს. ეს დრამატული რამ არ არის, მაგრამ იგი რამდენიმე კვირას გამოტოვებს, რადგან მკურნალობას დრო სჭირდება.
????️ @J__Nagelsmann on @AlphonsoDavies: "Yesterday, during our follow-up examination that we do with ever player that has had Covid-19, we detected signs of mild myocarditis, i.e. an inflammation of the heart muscle."
— FC Bayern English (@FCBayernEN) January 14, 2022
ამ ეტაპზე, რთულია, იმის თქმა გამოიწვია თუ არა მიოკარდიტი კორონავირუსმა. არსებობს ალბათობა, რომ ასე იყოს, მაგრამ 100 პროცენტით ამის თქმა შეუძლებელია. მან ვარჯიში უკვე შეწყვიტა და რამდენიმე კვირა გუნდთან ერთად არ იქნება“.
Athletic-ის ინფორმაციით, დევისი რუტინულ სამედიცინო გამოკვლევებს გადიოდა, როცა მიოკარდიტის ნიშნები აღმოუჩინეს. გერმანულ პრესაში ფეხბურთელის დაბრუნების ზუსტი დრო არ სახელდება და „ბაიერნს“ მაქსიმალური ყურადღების გამოჩენისკენ მოუწოდებენ.
