ხაბულიანი მონტელას გუნდში: ქართველი ფორვარდი თურქულ კლუბში ითამაშებს
საქართველოს 19-წლამდე ნაკრების ფეხბურთელი გიორგი ხაბულიანი კარიერას თურქეთის სუპერლიგის კლუბ ''ადანა დემირსფორში'' გააგრძელებს. CrystalSport-ის ცნობით მხარეები თანამშრომლობაზე შეთანხმდნენ.
ამ ეტაპზე 17 წლის ფორვარდი პირველ გუნდთან ერთად ვარჯიშობს, თუმცა ასაკიდან გამომდინარე სუპერლიგაში თამაშის უფლება არ აქვს. უახლოეს პერიოდში UEFA-სგან მიიღებს ლიცენზიას, რომელიც არასრულწლოვან ფეხბურთელს სუპერლიგაში თამაშის უფლებას მისცემს. ხაბულიანი 18 წლის 25 მარტს გახდება.
20-გუნდიან თურქეთის სუპერლიგაში ხაბულიანის გუნდი 12 ქულით მე-10 ადგილზეა.
Giorgi Khabuliani (17) joins @AdsKulubu on two-year contract after leaving Fc Telavi.
— Dima Shariqadze (@shariqadzedima) October 5, 2021
Khabuliani was called up to the Georgia under 19 team for the UEFA U19 Championship Qualification (In Norway, 6-12 october).#AdanaDemirspor #Khabuliani pic.twitter.com/jvegHVQ5sq
საინტერესოა, რომ თურქული კლუბის მთავარი მწვრთნელი ''რომას'' ლეგენდარული ფეხბურთელი ვინჩენცო მონტელაა, რომელსაც მთავარ მწვრთნელად ''ფიორენტინაში'', ''სამპდორიაში'', ''მილანსა'' და ''სევილიაში'' უმუშავია.
აღსანიშნავია, რომ ''ადანა დემირსფორის'' ერთ-ერთი ლიდერი მარიო ბალოტელია.
თურქულ კლუბში გადასვლამდე გიორგი ხაბულიანი თბილისის ''მერანისა'' (2020) და ''თელავის'' (2021) ფეხბურთელი იყო, 14-დან 16-წლამდე კი ესპანური ''მარკეტის'' აკადემიაში ასპარეზობდა.
ხაბულიანი ტანმაღალი ფორვარდია, მისი სიმაღლე 191 სანტიმეტრია.
ასევე გეტყვით, რომ ახლა ფეხბურთელი ნორვეგიაში საქართველოს 19-წლამდე ნაკრებთან ერთად იმყოფება. ვასილ მაისურაძის გუნდი ევროპის ჩემპიონატის შესარჩევ ციკლში უელსს (6 ოქტომბერი), კოსოვოსა (9 ოქტომბერი) და ნორვეგიას (12 ოქტომბერი) შეხვდება.
