ცოტა ვინერსი, ბევრი შეცდომა - ბასილაშვილი US Open-ს გამოეთიშა
ნიკოლოზ ბასილაშვილი ამერიკის ღია პირველობის წლევანდელ გათამაშებას პირველივე რაუნდიდან გამოეთიშა. იგი ავსტრალიელ ჯონ მილმანთან 3 სეტში დამარცხდა.
პირველ პარტიაში მილმანს დიდი უპირატესობა ჰქონდა, დანარჩენ ორ სეტში კი თითო ბრეიკით გაიმარჯვა, მატჩის საბოლოო ანგარიში 6:1; 6:4; 6:4-ია.
A perfect start from John Millman with a straight-sets win over 22nd-seed Nikoloz Basilashvili.
— bet365_aus (@bet365_aus) September 2, 2020
Next up - Frances Tiafoe. #USOpen pic.twitter.com/05GeyTpTK6
ნიკას 56 უნებლიე შეცდომა ჰქონდა, რაც ნებისმიერ შემთხვევაში ბევრია, მით უფრო, იმ ფონზე, რომ მხოლოდ 14 ვინერსი შეასრულა. ასევე, 4 ეისი მოაწოდა და 2 ორმაგი შეცდომა დაუშვა, პირველ მოწოდებაზე 47-დან 30 (64%), ხოლო მეორეზე 35-დან 18 ქულა (51%) მოიგო. თავად 7-დან ვერც ერთი ბრეიკ-პოინტი ვერ გამოიყენა, მილმანმა კი 8-დან 4 შანსი ბრეიკად აქცია.
ბასილაშვილმა გასული წლის US Open-ზე მე-3 წრეში გააღწია, რის გამოც რეიტინგში 80 ქულა მოაკლდება. ქართველი ამჟამად მსოფლიოს 30-ე ჩოგანია.
მილმანი შემდეგ რაუნდში შეხვდება ამერიკელ ფრენსის ტიაფოს, რომელმაც 4-სეტიან ბრძოლაში იტალიელ ანდრეას სეპის მოუგო.
