ოფიციალურად - პიანიჩი ბარსელონაში ითამაშებს
არტურ მელოს „იუვენტუსში“ გადასვლის შემდეგ, „ბარსელონამ“ მირალემ პიანიჩის ტრანსფერი დაადასტურა. „ბლაუგრანა“ ბოსნიელი ნახევარმცველის სანაცვლოდ 60 მილიონს პლუს 5 მილიონ ევროს გადაიხდის და მისი გამოსასყიდი თანხა 400 მილიონი ევრო იქნება.
„ბარსელონამ და იუვენტუსმა მირალემ პიანიჩის ტრანსფერის თაობაზე შეთანხმებას მიაღწიეს. ოპერაციის ღირებულება 60 მილიონი ევრო იქნება და 5 მილიონი ევროთი გაიზრდება.
ფეხბურთელი კლუბთან 4-წლიან კონტრაქტს გააფორმებს და ბარსელონაში 2023-24 წლების სეზონის ბოლომდე ითამაშებს. მისი გამოსასყიდი თანხა 400 მილიონი ევრო გახლავთ.
პიანიჩი ბარსელონას 2019-20 წლების სეზონის დასრულების შემდეგ შეუერთდება“, - წერია „ბარსელონას“ მიერ გავრცელებულ ოფიციალურ განცხადებაში.
LATEST NEWS | Agreement with @juventusfcen for the transfer of @Miralem_Pjanic
— FC Barcelona (@FCBarcelona) June 29, 2020
???? Welcome!
????❤️ #PjanicCuler
შეგახსენებთ, რომ პიანიჩი „იუვენტუსის“ ღირსებას 2016 წლიდან იცავს. „ბიანკონერისთან“ ერთად მან სერია A 3-ჯერ მოიგო და 2-ჯერ კოპა იტალიის გამარჯვებული გახდა.
