5 ცვლილება სერია A-ში - იტალიაში წესი შეიცვალა
იტალიის ფეხბურთის ფედერაციამ ოფიციალურად დაადასტურა, რომ სეზონის დარჩენილ ნაწილში სერია A-სა და სერია B-ს კლუბებს 5 ცვლილების გამოყენების უფლება ექნებათ.
აღსანიშნავია, რომ მთავარი მწვრთნელები მატჩებში სამ ინტერვალს მიიღებენ და ცვლილებები სწორედ ამ ინტერვალებისას უნდა განახორციელონ. სათქმელია ისიც, რომ ეს წესი მომდევნო სეზონზე არ გავრცელდება.
OFFICIAL: #SerieA clubs will be able to make up to five subs for the rest of the season https://t.co/QRhKMCmCui #COVID19 pic.twitter.com/E2gXVOjs9t
— footballitalia (@footballitalia) June 5, 2020
ცნობისთვის, იტალიაში სეზონი 12 ივნისს, კოპა იტალიის პირველი ნახევარფინალური შეხვედრით გაიხსნება. 13 ივნისს, მეორე ნახევარფინალურ მატჩს ვიხილავთ, ხოლო ფინალური დაპირისპირება 17 ივნისს ჩატარდება.
სერია A-ს რაც შეეხება, „სკუდეტოსთვის“ ბრძოლას გუნდები 20 ივნისიდან განაახლებენ.