NFL-ის მოთამაშე ავიაკომპანიას უჩივის - „თვითმფრინავში ჩემზე სექსუალურად იძალადეს“
NFL-ის მოთამაშემ, ვისი სახელიც არ ხმაურდება, United Airlines-ს სასამართლოში უჩივლა. სარჩელში წერია, რომ თებერვალში განხორციელებული ფრენისას ქალბატონმა იგი სექსუალურად შეავიწროვა და შემდეგ მასზე სექსუალურად იძალადა.
მოთამაშის თქმით, სტიუარდესებმა სათანადო რეაგირება არ მოახდინეს და ზომები დროულად არ მიიღეს, რის გამოც ის კომპანიისგან მორალური ზიანის ანაზღაურებას ითხოვს.
Breaking: A NFL player is suing @United Airlines, alleging that he was sexually assaulted & harassed multiple times by a woman on a recent flight. The lawsuit states United Airlines failed to properly respond during the flight, and failed to cooperate with authorities. pic.twitter.com/oS4DJZlc7V
— Master (@MasterTes) May 20, 2020
სასამართლომ სარჩელი ორშაბათს მიიღო. NFL-ის მოთამაშე აცხადებს, რომ ქალბატონი მედიკამენტების ზემოქმედების ქვეშ იყო და მის გარდა სექსუალურად კიდევ 3 მამაკაცი შეავიწროვა. სარჩელის მიხედვით, ქალბატონმა მოთამაშეს ხელი სასქესო ორგანოზე მოჰკიდა, მის მუხლებსა და თეძოებს შეეხო და პირბადე ჩამოაგლიჯა.
როგორც ირკვევა, უამრავი თხოვნის მიუხედავად, სტიუარდესებმა ქალბატონის სხვა ადგილას გადაყვანა მხოლოდ მას შემდეგ გადაწყვიტეს, რაც ის სექსუალურ ძალადობაზე გადავიდა.