ბელარუსში ჩემპიონატი გრძელდება: ქართველთა დაპირისპირება ფრედ დასრულდა
ბელარუსის საფეხბურთო ჩემპიონატის მესამე ტურში სოლიგორსკის ''შახტიორისა'' და ''ნემანის'' დაპირისპირება ფრედ 0:0 დასრულდა. შეხვედრაში სამმა ქართველმა ფეხბურთელმა მიიღო მონაწილეობა.
''შახტიორის'' სასტარტო შემადგენლობაში გეგა დიასამიძემ ითამაშა, რომელმაც მეორე ტურში ბელარუსულ კლუბში სადებიუტო გოლი გაიტანა. ამჯერად გოლი არ შეუგდია, 85-ე წუთზე შეცვალეს. დიასამიძის თანაგუნდელი ლაშა შინდაგორიძე 69-ე წუთზე ჩაერთო თამაშში. მას ტრავმა აწუხებდა და თითქმის ერთი კვირაა, რაც ვარჯიში განაახლა.
''ნემანის'' ქართველმა ცენტრალურმა მცველმა გიორგი ქანთარიამ 90 წუთი ითამაშა, 64-ე წუთზე არბიტრმა ყვითელი ბარათი უჩვენა.
3 ტურის შემდეგ როგორც ''შახტიორის,'' ასევე ''ნემანის'' ანგარიშზე 4 ქულაა.
Нулевая ничья после первого тайма матча #ШахтерНеман pic.twitter.com/ZV0UNUmomN
— ФК Шахтер Солигорск (@fcshakhterby) April 4, 2020