თორნიკე შენგელია ევროლიგის ბოლო 10-წლეულის საუკეთესოთა შორის დასახელდა!
„ბასკონიას“ ქართველი კაპიტანი თორნიკე შენგელია ევროლიგის ბოლო ათწლეულის (2010-2020) საუკეთესო მოთამაშეთა შორის არის ნომინირებული.
ევროლიგის ოფიციალურმა ვებ გვერდმა ბოლო დეკადის საუკეთესო კალათბურთელების გამოვლენა გადაწყვიტა. აი ასე ახასიათებენ ისინი თოკოს:
„შენგელია ამ ათწლეულში ევრლიგაში ლიდერი გახდა. ის მძიმე ფორვარდია, რომელიც ათლეტურობითა და მობილურობით გამოირჩევა.
ის განსაკუთრებით „ბასკონიაში“ გამოირჩევა. 2010 წელს „ვალენსიას“ შემადგენლობაში ევროთასზე მისი დებიუტი შედგა. 2011-12 წლებში კი „შარლერუას“ რიგებში მას ევროლიგაში დებიუტი ჰქონდა.
მიუხედავად იმისა, რომ შენგელია ევროლიგაში ჩატარებული მატჩების რაოდენობით 93-ე ადგილზეა და ნათამაშები წუთების მიხედვით 72-ე, ის სარგებლიანობის მაჩვენებლით, ქულებისა და მოხსნების რაოდენობით 40-ეულში იმყოფება.
ბოლო 10 წლის მონაცემებით ის საუკეთესო 15-ს შორის არის. შენგელიამ ბევრი იშრომა, რომ „ბასკონია“ ცნობილ გუნდად ექცია“.
შენგელია მიმდინარე სეზონს დიდებულად ატარებს. მისი საშუალო მონაცემები ასეთია: 28.24 წუთი, 17,4 ქულა, 6.3 მოხსნა, 2.4 გადაცემა, 0.9 დაფარება და 0.6 ჩაჭრა.
თოკომ წელს ესპანეთის ჩემპიონატში პირადი რეკორდი დაამყარა და „ობრადოიროსთან“ შეხვედრაში 29 ქულა ჩააგდო.
შენგელია მიმდინარე სეზონში ესპანეთის ჩემპიონატის ტურის MVP-ის წოდება დაიმსახურა, ხოლო ევროლიგაში ეს უკვე 2-ჯერ გააკეთა.
???????????????????????? ???????????????? ???? ????????????????????????????
— Saski Baskonia (@Baskonia) November 16, 2019
¡Esto sigue! ➡ https://t.co/e3Jc8MzxER#GoazenBaskonia pic.twitter.com/ckLwzm7Taj
