ტოჩინოშინის ემოციური სიტყვები:''ჩვენს შორის დიდი მანძილია, მაგრამ ძალიან მიყვარხარ''
ქართველი სუმოისტი ლევან გორგაძე Instagram-ზე პირველ შვილს დაბადების დღეს ულოცავს. სპორტსმენმა 2 წლის შვილი მხოლოდ ორჯერ ნახა, თუმცა მას დიდ ძალსა და გამძლეობას აძლევს:''დღეს ორი წელი გახდა რაც დაიბადე ჩემო ანგელოზო, თუმცა სულ ორჯერ გნახე და არც კი მიცნობ. მადლობა უფალს რომ შენი თავი მაჩუქა!! ჩვენ შორის დიდი მანძილია და ვიცი როგორ ძალიან გაკლივარ, მაგრამ მამას ძალიან უყვარხარ და სულ მეყვარები მუდამ, სადაც არ უნდა ვიყო ჩემო პატარა!! შენ მე დიდ ძალას მაძლევ და გამძლეობას რომ კიდე ვიბრძოლო. ჩემი პირველი შვილი და დიდი სიყვარული ხარ, უყვარხარ მამას.''
10 ნოემბერს ფუკუოკაში წლის დასკვნითი სუპერტურნირი, „კიუშუ ბაშო“ დაიწყება. რამდენიმე საათის წინ იაპონიის სუმოს ასოციაციამ საწყისი ორი დღის განრიგი გამოაქვეყნა და ლევან გორგაძის მეტოქეთა ვინაობაც ცნობილი გახდა.
ტურნირის პირველ ბრძოლაში სეკივაკეს რანგში მოასპარეზე ტოჩინოშინი მეორე მაეგაშირა მეისეის გაეჯიბრება. ამ უკანასკნელს ლევანი ერთადერთხელ, „ნაცუ ბაშოზე“ შეხვდა და იორიკირის ილეთით დამარცხდა (იხილეთ).
