ზლატანი ლა ლიგაში:''იცით რა? მე ვბრუნდები''
ზლატან იბრაჰიმოვიჩი შესაძლოა MLS-დან ესპანურ ლა ლიგაში დაბრუნდეს. შვედმა ფორვარდმა ამ თემაზე ირიბად მიანიშნა, როცა Instagram-ის ''სთორიზე'' დაწერა:''გამარჯობა ესპანეთო, იცით რა? მე ვბრუნდები.''
38 წლის ფორვარდს ''ლა გალაქსისთან'' კონტრაქტი მიმდინარე წლის დეკემბერში ეწურება.
???????? @Ibra_official back to Spain..? pic.twitter.com/HGT4rTWvib
— Sky Sports Football (@SkyFootball) October 29, 2019
ტანმაღალმა შვედმა კარიერის ერთი სეზონი კატალონიის ''ბარსელონაში'' გაატარა, თუმცა მისი და პეპ გუარდიოლას თანამშრომლობა წარმატებული არ ყოფილა. 2009-10 წლების სეზონში იბრაჰიმოვიჩმა ''ბარსას'' მაისურით ყველა ტურნირის ჩათვლით 45 მატჩში 21 გოლი გაიტანა.
შვედისა და პეპის თანამშრომლობა მხოლოდ 1 წელი გრძელდებოდა, 2010 წელს ესპანურმა გრანდმა ზლატანი ''მილანში'' გაანათხოვრა.
38 წლის ფეხბურთელით ასევე დაინტერესებულნი არიან ''მილანი,'' ''ინტერი'' და ''ნაპოლი,'' თუმცა აღნიშნული ვიდეოდან გამომდინარე შესაძლოა იბრაჰიმოვიჩი ესპანეთის ჩემპიონატში ვიხილოთ.
