უეფას ახალი ტურნირი - კონფერენციათა ლიგა

უეფას მორიგი ახალი იდეა აქვს და ახალი ევროტურნირის შექმნას გეგმავს, რომელსაც კონფერეციათა ლიგა ერქმევა.

გათამაშება დიდი ალბათობით სტარტს 2021-22 წლების სეზონიდან აიღებს.

კონფერენციათა ლიგა რანგით მე-3 იქნება ჩემპიონთა ლიგასა და ევროპა ლიგის შემდეგ. ხსენებული ტურნირი ფორმატით ჩემპიონთა ლიგის მსგავსი იქნება - 32 გუნდი 8 ქვეჯგუფში გადანაწილდება.

რვა გამარჯვებული პლეი-ოფის საგზურს პირდაპირ მოიპოვებს, ხოლო მეორეადგილოსნები ევროპა ლიგის მე-3 ადგილოსნებს დაუპირისპირდებიან და მორიგ 8 საგზურს გაითამაშებენ.

ამ ტურნირის მთავარი მოტივაცია არის ის, რომ გამარჯვებული მომდევნო სეზონში ევროპა ლიგის ჯგუფურ ეტაპზე იასპარეზებს.

როგორც ხედავთ, ახალი ტურნირი ჯერჯერობით ბევრ კითხვას ბადებს და დიდად მომხიბვლელად არ გამოიყურება.