ყაზაიშვილის მორიგი აღიარება:ქართველი MLS-ის სიმბოლურ გუნდში
MLS-ის კვირის სიმბოლურ გუნდში ვაკო ყაზაიშვილი მეორედ მოხვდა. სიმბოლურ გუნდში ასევე ვიხილეთ ''სან ხოსეს'' მთავარი მწვრთნელი მატიას ალმეიდა.
საქართველოს ეროვნული ნაკრების შემტევმა MLS-ის გასულ ტურში ''ლოს ანჯელეს გალაქსისთან'' შეხვედრაში გოლი გაიტანა და საგოლე გადაცემა შეასრულა. ზლატან იბრაჰიმოვიჩის გუნდი საკუთარ კედლებში 1:3 დამარცხდა.
პირველი ტაიმი მასპინძლებმა მინიმალური სხვაობით მოიგეს. 61-ე წუთზე ''სან ხოსემ'' ყაზაიშვილის გოლით წონასწორობა აღადგინა. 64-ე წუთზე ყაზაიშვილის აქტიურობასა და საგოლე გადაცემას დანი ჰოესენის გოლი მოჰყვა, ''სან ხოსე'' დაწინაურდა - 1:2. 85-ე წუთზე ყაზაიშვილისა და კაშიას გუნდმა კიდევ ერთი გოლი შეაგდო და მატჩის საბოლოო ანგარიში დაფიქსირდა - 1:3. ყაზაიშვილმა მესამე გოლშიც მიიღო მონაწილეობა, მისი დარტყმა მეკარემ მოიგერია, დამატებაზე კი ქართველის თანაგუნდელმა გაიტანა.
Week 19's finest. // @Audi pic.twitter.com/L59nfE8QOE
— Major League Soccer (@MLS) July 15, 2019