მერებაშვილის ახალი კონტრაქტი
საფეხბურთო კლუბ პლოცკის ''ვისლამ'' ქართველ ფეხბურთელ გიორგი მერებაშვილთან ახალი კონტრაქტი გააფორმა, რომლის მიხედვით საქართველოს ეროვნული ნაკრების შემტევი პოლონურ კლუბში 2020 წლის ზაფხულამდე ითამაშებს.
CrystalSport-ის ცნობით კონტრაქტი კიდევ ერთი წლით გახანგრძლივდება თუ ფეხბურთელი შემდეგ სეზონში მინიმუმ 12 მატჩს ჩაატარებს.
32-letni skrzydłowy Giorgi Merebashvili przedłużył wygasający 30 czerwca 2019 roku kontrakt z Wisłą Płock! Gruzin podpisał z naszym klubem nową roczną umowę, w której zawarto opcję przedłużenia o kolejne dwanaście miesięcy. ✍????????⚽ ➡ https://t.co/g9c6ZFAeUz pic.twitter.com/8FzlmmCfDY
— WislaPlockSA (@WislaPlockSA) January 31, 2019
გამოცდილი ფეხბურთელი პოლონურ კლუბში 2016 წლის ზაფხულიდან ასპარეზობს. მერებაშვილმა ''ვისლას'' მაისურით 81 მატჩში 16 გოლი შეაგდო და 16 საგოლე გადაცემა შეასრულა.
მერებაშვილს თბილისის ''დინამოს'' გარდა ბერძნულ ოფი-ში, ''ვერიასა'' და ''ლევადიაკოსში'' უთამაშია. მისი პირველი უცხოური კლუბი სერბული ''ვოივოდინა'' იყო, რომლის მაისურით 2010-12 წლებში ასპარეზობდა.
ფეხბურთელმა საქართველოს ეროვნულ ნაკრებში 31 მატჩი ჩაატარა და 2 გოლი შეაგდო. მისი დებიუტი ეროვნულ ნაკრებში 2008 წელს პორტუგალიის ნაკრებთან შედგა.
