42 წლის სევასტი თოდუა კარიერას აგრძელებს

საქართველოს ეროვნული ნაკრებისა და ქუთაისის ''ტორპედოს'' ყოფილი ფეხბურთელი, 42 წლის სევასტი თოდუა ფეხბურთელის კარიერას აგრძელებს. ცენტრალური მცველი, რომელმაც გასული სეზონი ეროვნული ლიგა 2-ის თბილისის ''მერანში'' გაატარა, ''ბორჯომში'' ითამაშებს. ინფორმაციას ბორჯომული კლუბის ოფიციალური ვებგვერდი ავრცელებს.

თოდუას ახალი კლუბი ''ბორჯომი'' საქართველოს რანგით მესამე ლიგაში ასპარეზობს.

მან 2000-01 წლებში საქართველოს ეროვნულ ნაკრებში 6 მატჩი ჩაატარა.

სევასტი თოდუას შემდეგ კლუბებში უთამაშია: სამტრედიის ''იბერია,'' ''ვიტ ჯორჯია,'' თბილისის ''ლოკომოტივი,'' ქუთაისის ''ტორპედო,'' ელისტის ''ურალანი,'' ''ზესტაფონი,'' რუსთავის ''ოლიმპი,'' ''ზუგდიდი,'' ლანჩხუთის ''გურია,'' ბათუმის ''დინამო,'' ვანის ''სულორი'' და თბილისის ''მერანი.''